2T-Forum bei www.zweitakte.de

[schnellerrobby]

Hallo an Alle,

da ich im Krankenhaus manchmal auch etwas Zeit habe, habe ich mich auf ein altes schwäbisches Gedicht besonnen.
Ich habe den Inhalt sogar noch zusammen bekommen.

hier ist es:

´s Gedicht vom Motorrädle

I muaß a Motorrädle hau,
des kennd ihr doch älle verschdau!?
Drom han i a naglnuis kauft,
des kennd ihr doch richtig verschdau!?
80 Kilomedr laufds bloß,
do gondle i doch richdig druf los,
oms Eck rom isch´s ziemlich riskiert,
mei Rädle isch ufs Trottwar spaziert.
Dia Leit dia schlaget an Krach,
ond i kriag a Ladung ufs Dach.
Fahr liabr raus aus dr Schtadt,
dia Schutzleit hen mi scho uf dr Latt.
So gondle i ufs Land naus famos,
hinta ond vorna spritzt Soos.
I ieberfahr en oira Schtond,
3 Katza, 4 Gäns ond oin Hond.
A Radfahrer schdrampelt voraus,
der weicht oms verrecka et aus.
Er will partout ogfahra sei,
i box ´n en Stoihaufa nei.
Der wird au sei Odenka hau,
dem Rädle ond mir hot´s nix dau.
Des Kuahfuhrwerk hau i et gsäh,
weil’s grad om an Ranka isch gwäh.
Net lang lieg i uf dr Kuah,
mit dem Peitschaschtecka haut oiner zua.
A Bauer der läd grad sein Mischt,
ond i han a Gosch voll verwischt.
Dr Hals han i hinta no gschtreckt,
des hot et noch Kalbsbrota gschmeckt.
Zwoi Auto rasat doher,
han glei denkt des gibt a Malheur.
Dia Hammel dia fahrat om´d Wett,
mi Oglückswurm sähet se et.
Es tuat an donderschlechtiger Krach,
i fliag - bedenk en a Lach.
Wach erscht wieder uf em ma Saal,
se saget des wär a Schpital.
So lieg i jetzt hilflos em Nescht,
von mir an kläglicher Rescht.
´sisch guat dass i ´s Rädle et sieh,
se saget ´sieht grad aus wia i.
Mir zwoi send halt jetzt ausrangiert,
weil ´s flicka sich bei koim me rentiert.


Gruß Robby

die zufälligen Ähnlichkeiten sind nicht beabsichtigt
_________________
Wer später bremst, fährt länger schnell !!!!!!
_______________________________________
RD125_S1B-(350cm³)_S2_S2_H1B_H2_S2R_KR1S_W650(Königsw.)_ZZR600R_G500Gamma_CBX650E_CB750 F1_CB750 SevenFifty_CBR900RR_CBX1000(CB1)_ VTR1000Firestorm_BMW RnineT Racer